دوو شه‌ممه‌ , ئازار 4 2024

هەڵەبجە خاوەنی چییەو چی پێویستە

ڕۆشنا صاڵح بامۆكی
هەڵەبجە شارێکی مێژووجوانی، ئایینپەروەری، خاوەن هەڵوست و نیشتیمان ویست و فرە ڕەنگ و؛ کۆمەڵایەتی میوان دۆست و خانەدانە، کە بەهۆی هەڵکەوتەی جوگرافی و ڕۆشنفیکری و بەهەڵوێستی، دانیشتوانەکەیەوە زۆر کات و لە زۆر سەردەمی جیادا قوربانی داوە و چەندین جار هێرشی کراوەتە سەر، بەڵام وەک پۆڵا بەهێز و خاوەن ئیرادەبوون هاوڵاتیانی شاری و بەئاوەدانی هێشتویانەتەوە.

هەڵەبجە خاوەنی چییە ؟

کۆمەڵێک سامانی ماددی و مەعنەوی هەیە ،کە لەم شوێندا ئەم هەموو دەست کەوتە پێکەوە کۆدەبنەوە لەوانە:
_هاوڵاتی گەلێکی دڵسۆز و بەڕێز و بەهێز و ماندونەناس، کە هیچ کات ماندوونابن بۆ خزمەتی شار و وڵات و بەرگری لێکردنیان، کام دامودەزگای حکومی و حیزبی و ڕێکخراوەی هەیە لە هەرێمی کوردستان کەسایەتیەکی هەڵەبجەیی تیایدا خزمەت نەکات و، جێدەستی دیارنەبێت، لە ڕابردوو ئێستاشدا هەڵەبجەییەکان ڕەمزی هێز و ورەبوون نوێگەلی و داهێنان بوون پشتیان بەخۆیان بەستوە بۆ زۆر پێداوستی ژیانیان، خۆیان باشترین بەرهەمهێن بوون بۆ خۆیان.

_ئەوەی هەڵەبجە لەزۆرێک لەشار و ناوچەکان تری هەرێم جیادەکاتەوەی، فرە ڕەنگی و تەبایی هاوڵاتیانی و، ڕێگەنەدان بەهیچ ڕەنگێک کە هەژموونی هەڵەبجە بخنکێنێت و کپ و بێ ڕای بکات، خێزان هەیە ئەندامی هەموو ڕەنگ و حیزبێکی تیایە و ڕێگریش نییە لەتەبایی نێوانیان، دراوسێیەک، هاوڵاتیانی گەڕەکێکی هەڵەبجە بەهۆی ڕەنگی جیا و ئایدیای جیاوە ناکۆکی دروست نەبووە لە نێوانیاندا.

_تیشکی خۆر و ئاو هەوای خاوێن و گونجاو کەلەم سەردەمەدا مرۆڤایەتی تامەزرۆی هەوایەکی بێگەردە، تیشکی خۆرێک کە نەسوتێنەربێت و نە بێتین، سەرچاوەی ئاوەکانی سازگار و خاوێن لە ناودڵی سروشتەوە هەڵدەقوڵن و ڕون و ڕەوانن هیچ تایبەت مەندیەکی ئاویان لەدەست نەداوە،
ئەمە لە کاتێکدایە وڵاتانی زلهێزی دونیا خەمی پیسبوونی ژینگە و زەویانە، دەکرێت وزەی کارەبا و پڕۆژەی بازرگانی ئاوی بەرهەمهێنانی ئۆکسجین دروستبکرێت لەم شارەدا .

_خاکێکی بەپیت و بە بەرەکەت کە لەسەردەمی زووەوە داگیرکەران چاوی تەماحیان تێبڕیوە و لەبەرامبەر ئەو نیعمەتە گەورەیەدا سەراسیمەن، دیاردەی شاخ و گرد و تەپۆڵکە و کانی و چەم و دەریاچە و دۆڵ دەشتی بەرین هەمووی لەسنوری شارەخنجیلانەکەی هەڵەبجەدایە، ئەمە و بوونی چەندین بەرد و گڵی بەنرخ و هاوکات ئاوی کانزایی، ئەمانە ئاسانکارین تا پڕۆژەی گەشتیاری گەورە دروست بکرێت و گەشتیار ڕوو لەم شارەبکات و کەرتی ئابووی ببوژێتەوە.

ئەی چی پێوستە ؟

ئەوەی پێوستیەتی لە هەموو بوونەکانی کەباسمان کرد و یان پەییمان پێ نەبردووە، کۆمەڵێک پڕۆژی جەوهەری و پێوستی مرۆڤایەتی دروستبکرێت کە بەرهەمەکانی لەڕیزی بەرهەمە جیهانیەکانبێت وهەناردەی دەرەوەی وڵات بکرێت لەوانە :

1-ئاوەدانبکرێتەوە ئاوەدانیەک مانای شاریەتی و پارێزگایەتی لە شەقام و فەرمانگە حکومیەکان، شوێنیە گشتیەکانیان ڕەنگبداتەوە.

2_هاوکاری جوتیاریان بکرێت گوند و کێڵگە ئاژەڵی و کشتوکاڵیەکانی ئاوەدانبکرێنەوە و بەرهەمی سروشتی بەکوالێتیەکی باش بەرهەمبهێنرێت بۆ ناوخۆ و دەرەوە.

3- هاوسنوری لەگەڵ ئیران بەهەلبزانرێت و مەرزە تەواو نەکراوەکانی تەواوبکرێت.
4.ئاسانکاری بکرێت بۆ سەرمایەداران لەهەڵەبجە پڕۆژی گەورەو گرنگ بونیاد بنێن و، دەستی کار و گەنجی هەڵەبجە بخرێنە سەر کار.

5.لەڕووی ئیداری و حکومیەوە نەکرێت بەقوربانی، وەک خۆی مامەڵەی لەگەڵ بکرێت ئەنجومەنی پارێزگای کارابکرێت کار ئاسانی بۆ بەپارێزگابوونی کرداری بکرێت.
6.خزمەتگوزرای پێشکەشی ناوچەی گەشتیاریەکانی بکرێت، هاوکات هێڵانەوەی کلتوور و نەریتی جوانی شار و نەشێوانی و نەسڕینەوەی، ڕێز لە ڕابردوو ئێستا و ئایندەی بگیرێت و مێژووی وەک خۆی ئەرشیف بکرێت.

7.ڕێ لە داگیرکاری حکومەت بۆ زەویە کشتوکاڵیەکان و دابەشکردنی بەسەر فەرمانبەرانیدا بگیرێت، فراوانبوونی زۆر و بێ بەرنامەی شار لەسەر حسابی زەوییە کشتوکاڵیەکان نەهێڵدرێت.

Check Also

مامۆستا شه‌ماڵ موفتی.. پیاوێكى خاكی پڕ هه‌گبه‌

دیمانه‌: كه‌تان خادیمیبه‌شی دووه‌مئاینده‌سازى: له‌دواى ڕاپه‌ڕینه‌وه‌ ناسران، به‌تایبه‌ت له‌ به‌رنامه‌ى (میحراب)ه‌وه‌، پاڵنه‌ر چى بوو، هه‌ستت …