و.کەتان خادیمی
من مردوو شۆر بووم به درێژایی ئه‌م كاره‌م زۆر به‌سه‌ر هاتی سه‌رسورهێنه‌رم به چاوی خۆم بینیوه،چ له نیشانه‌ی عاقیبه‌ت خێری یان پێچه‌وانه‌كه‌ی، ئه‌وه‌ی له یادم ناچێت به‌سه‌ر هاتێكی زۆر سه‌یر بوو، چوومه شوێنی مردوو شۆره‌كه‌و ته‌رمێك له‌وێبوو، وتم : بیبه‌نه ژووره‌وه تاخۆم ئاماده ئه‌كه‌م، كه‌سێكی لێبوو هه‌موو ئه‌وانه‌ی له‌وێبوون ده‌ریكردن هاواری ئه‌كرد بۆده‌ره‌وه بۆده‌روه…ئه‌گه‌ر منیش جلوبه‌رگی تایبه‌تم له‌به‌ر نه‌بوایه منیشی ده‌رئه‌كرد. وتم: دوو سیانێك بێن یارمه‌تیم بده‌ن ، به‌ڵام ئه‌و نه‌یهێشت باوك و براكانیشی ده‌ركردن، وتی: خۆم به‌ته‌نیا یارمه‌تیت ئه‌ده‌م، مردوه‌كه‌مان خسته سه‌ر شوێنی تایبه‌ت و به‌تانیه‌كه‌ی تێوه‌ی پێچرابوو لاماندا، روخساری سیمای گه‌نجێك ده‌ركه‌وت، ئیتر ئه‌ویش دایه پرمه‌ی گریان به ده‌نگی به‌رز، وتم كوڕم ئه‌گه‌ر ناتوانیت بڕۆره ده‌ره‌وه، با دوو كه‌سی دیكه بێنه ژووره‌وه، وتی: نا…نا..خۆم به‌ته‌نیا ئه‌یشۆم. وتم: با من بزانم چۆن ئیشه‌كه‌م ئه‌كه‌م تۆ وا بگریت كارم پێناكرێت،وتی: باش.جله‌كانم له‌به‌ر داماڵی دیسانه‌وه هاواری گریانی لێبه‌رز بوه‌وه، منیش تووره بووم، وتم: بڕۆره ده‌ره‌وه ..ده‌ی ده‌ره‌وه…مردوو ئاوا ناشۆرێت.به‌ڵێنیدا كه بێده‌نگ بێت، به‌ڵام وازملێبێنه با خۆم بیشۆم، وتم: كوڕم به‌م گریانه‌ت مردوه‌كه ئازار ئه‌ده‌یت،به‌ده‌م شتنه‌وه تا كه‌مێك سه‌رقاڵی بكه‌م، وتم: تۆ برای ره‌حمه‌تیت؟ وتی: من براو باوك و دایكیش زیاترم بۆ ئه‌و. وتم: پێت نه‌وتم ئه‌مه چی تۆیه؟وتی: تۆ قه‌ت كه‌سی وه‌ك ئێمه‌ت بینیوه؟ وتم: چۆن؟ وتی: سه‌ره‌تاییمان به یه‌كه‌وه ته‌واوكرد، پاشان ناوه‌ندی و دواناوه‌ندیمان به‌یه‌كه‌وه له زانكۆ ده‌رچووین.به یه‌كیشه‌وه دامه‌زراین.دوو خوشكیشمان ماره‌كردن.خوای گه‌وره هه‌ریه‌كه‌و كوڕو كچێكی پێبه‌خشین،به‌یه‌كه‌وه له یه‌ك شوقه‌ین، به یه‌كه‌وه ئه‌رۆشتین، به‌یه‌كه‌وه پێنج فه‌رزه ئه‌رۆشتین بۆمزگه‌وت، گه‌شت و گه‌ڕانمان بێ یه‌ك نه‌ئه‌كرد، تۆ برات هه‌یه ئاوا بن به‌یه‌كه‌وه: وتم: نه‌وه‌ڵا من و براكه‌م ته‌نها له بۆنه‌كاندا یه‌كتری ئه‌بینین.
پاش شتن و كفن كردن، جه‌نازه‌كه‌یان برده مزگه‌وت و وتم: كوڕم ئیتر دوعای خێر بۆ براكه‌ت بكه، دوای نوێژی مردوو بردمانه گۆڕستان. له سعودیه گۆڕستانێك هه‌یه به زنجیره‌ی ژماره به‌دوای یه‌كدا ئه‌نێژرێن، به ( شه‌رشوره) ناو ئه‌برێت،وه‌ك راڕه‌وێكی درێژ وایه، له‌شه‌رشووره‌ی ژماره(7)بوو، قه‌بره‌كه‌ش ژماره (10) بوو، كاتی نیوه‌ڕۆ ناشتمان، ئه‌م گۆڕستانه له( جیده) بوو، هه‌موو نوێژێك مردوویه‌كی تیا ئه‌نێژرێت…
رۆژی دووه‌م هاتمه سه‌ركار و رۆشتمه نووسینگه، هاتن وتیان شێخ مردوویه‌كیان هێناوه، وتم: باشه بۆ زوو قسه‌تان نه‌كرد، رۆشتم كه‌سوكاروو براكه‌ی له‌وێبوون، بردمانه شوێنی تایبه‌تی مردوو شتنه‌كه. باوكی و براكه‌ی هاتن یارمه‌تیم بده‌ن، به‌تانیه‌كه‌م له‌سه‌ر روخساری لادا وه‌ك ئه‌وه‌ی بیناسم ، وتم: ئه‌م گه‌نجه غه‌ریب نیه به‌لامه‌وه؟ وتیان: مامۆستا بۆخاتری خوا ئه‌وه ئه‌و كوڕه‌یه گه‌نجه‌كه‌ی دوێنێ یارمه‌تی دای له‌شتنی هاورٍێكه‌یدا، تا ته‌واوبووم له‌شتنی زۆر گریام فرمێسكم تێكه‌ڵ به ئاوه‌كه‌ی سه‌ر جه‌سته‌ی ئه‌بوو، سه‌یر بوو دوێنێ هاوڕێكه‌ی ئه‌مڕۆ خۆی مردووه، مردن هه‌ر ساتێك بێت ئه‌گاته سه‌رمان بێبیركردنه‌وه‌و خۆئاماده‌كردن، پرسیارم له‌وه‌كرد چۆن بوه‌و به‌چی مردووه، باوكه‌كه‌ی وتی: دوێنێ كه لێره رۆشتینه‌وه راكشابوو به ژنه‌كه‌ی وتبوو خه‌به‌رم نه‌كه‌نه‌وه بۆ نانخواردن.عه‌سر هه‌ڵئه‌سم خواردن ئاماده ئه‌كه‌م بۆ ته‌عزیه‌كه‌ی به‌یانی…
ژنه‌كه‌ی رۆشتبوو خه‌به‌ری بكاته‌وه به‌لای راستا كه‌وتبووگیانی ده‌رچووبوو، بێ ئه‌وه‌ی هیچ جۆره نه‌خۆشیه‌كی هه‌بێت.
دوای شتن و كفنكردن بردمانه مزگه‌وت و نوێژمان له‌سه‌ركرد و به‌ره‌و گۆڕستان به‌ڕێكه‌وتین. له (شه‌رشوره‌ی) ژماره((7)قه‌بری ژماره(11)ی بوو به‌نسیب، له‌گه‌ڵ هاوڕێكه‌یدا ته‌نها یه‌ك دیوار له‌نێوانیاندا بوو، له‌دنیادا به‌یه‌كه‌وه بوون ..له‌مردنیشا به‌یه‌كه‌وه بوون، خۆشه‌ویستانی خودا هاوڕێكان دایك نین باوك نین برا نین خوشك نین به‌ڵكوو هاوڕكان هه‌موو كه‌سن .
ئه‌م چیرۆكه له(شێخ عه‌باس به‌تلاوی)ه‌وه خوای گه‌وره لێی خۆش بێت وه‌رگیراوه.
Gear up for the ultimate gaming showdown—join now! Hawkplay