گەردەلولێک

‎خەرمان عبدالکریم
‎دیسان بێ ئۆقرەیی و سەرگەردانی و بێ بەشی منداڵە هەژارەکانی شارو نیوە بەنیوە دەستی پێکرد، لەم هەرێمە کە پڕە لە نەهامەتی وبێ ئۆقرەیی خێزانەکان هیچ خۆشی و چێژێک بۆ چونە ناو ژینگەیەکی تەندروست نییە کێ دەبێت زامنی رۆحی منالەکانمان بکات، کاتێک دەکەوێتە بەردەستی مرۆڤێکی دەروون نائارام کە ۲٥٠ییەک لە گرفانی نییەو لە ترسی نان بڕاندن چۆتەوە ژینگەی قوتابخانەکەی، سبەینی لەداخی حاڵی خۆی یان دارێک لەدەستی منالەکانمان شکاوە یان گوێێ تەقیوە یان سوکایەتی رۆحی پێ کراوە، بەم جۆرە چونەوە ناو هۆڵێکی خوێندنی بێ گیان سودی بۆ کێ هەیە، ئەم سێکتەرە ماوەی زیاتر لە۸ سالە ۸جیلی نەخوێندەوار کردووە، ئەلف و بێی تەواونییە بەم سیستەمە پەروەردەییە کێ آشهدو باشی بۆ خوێندووە، هەر ساڵەو بەبیانوویەک دەمانبەنەوە بۆ شاخچێتی و بێ نان و ئاوی و بێ بەرگی، خەریکە دەبینە مرۆڤی نیاندەرتاڵ بەلام بە مۆدێرنی و جیهانی ئینتەرنێتەوە، بەرژەوەندیخوازی و پاوەنخوازی بۆتە هەوێنی ژیانێکی لەت و کوت کە هەر دەمەی پارچەیەکی لەبەری مردوویەک دەکرێت و وشەیەکی لەسەر کورسییەکەشی ناخوات، کێ بەرپرسە لەم دۆخەی کە هەموو نان بڕاوەکان بۆ بژێوی و حەقی هەمووان دەنگیان دلێر کردووەو نایەنەوێت شەل و کوێر بین، نایەنەوێت دەرمانی هەلە ببەخشن، نایانەوێت ژیانێکی نامەردی بژین، ئەمانە بۆ مێژوو نەک سودی نییە بەلکو کۆڵێک شەرمەزاری دەخاتە شوێنی، دواتر مێژوونوسێک ناومان دەنێت گەلێکی مردووی ڕۆح لەجەستەیدا ماوو سەری کز کرد تا مرد لەبرسا، بهێڵن چێژ لەو ژیانەتان ببینێت منداڵ کە شارەکەیتان وەک کرد بەکەرتی ئەهلی هەمووی و گرفانی تاک بەتاکی خەڵکی ساویلکەتان گوشی، و خۆتان ڕێگەتان دا کەرتە حکومیەکان پەک بکەوێت و ڕەواج و گرنگی نەمێنێت، ئێستاش ئیتر تێبگەن ئەهلی شارو دێ هەمووی بوونەتە مۆدێرنەترینی عەقڵ و سەراپای گەردەلولی توڕەییەکانیان خەریکە ڕاتان دەماڵێت دان بەو شکستی حکومڕانییە بهینن کە لە ناتەواوی و ناشرینی خۆتان خزمەتێکتان نەهێنایە بوون، سەروەتێکی سروشتیمان پێ مەفرۆشنەوە تا نزای ووشکردنی بۆ لای خودا لەوە زیاتر نەگەشتۆتە لوتکە.