صبریه غفار
هزر كاریگه‌رى له‌سه‌ر داڕشتنى تێڕوانین و ئاكاره‌كانى مرۆڤ هه‌یه . بۆیه بۆ دروست بوونى گۆڕانكارى و چاره‌سه‌رى واقعى و كردارى پێویستمان به‌گه‌شه‌ى هزرى ته‌ندروست هه‌یه به‌تایبه‌ت له‌مه‌سه‌له‌كانى ژنان و كێشه‌و گرفته‌كانیان ، مامه‌ڵه له‌گه‌لأ ژن زۆربه‌ى له‌دیدگایه‌كى هزریه‌وه سه‌رچاوه ده‌گرێت .
گرنگه ئێمه كار له‌سه‌ر هزرێكى خۆماڵى گونجاو بكه‌ین بۆچاره‌سه‌رى كێشه‌كان به‌سود وه‌رگرتن له سه‌رجه‌م خه‌ڵكان و خاوه‌ن هزره فراوانه‌كان تابتوانین كێشه‌و گرفته‌كان چاره‌سه‌رێكى گونجاو واقعییان بۆ دابنێین .
مرۆڤ به‌ئاساتى ناتوانێت ببێته خاوه‌نى هزرى فراوان و دوور بین و به‌هێز ، به‌ڵكو پێویستى به‌خوێندنه‌وه و به‌دوادا چوون و قولأ بونه‌وه و تێڕامان هه‌یه .
مالكى كوڕى نه‌بى ده‌ڵێت : (لایقاس المجتمع بكمیه مایملك من الاشییا‌و بل یقاس بمقدار مافیه من الافكار ) . هه‌روه‌ها سوقرات ئه‌ڵێ : البصیره عندى اهم من البصر .
خاوه‌ن هزره‌كان هه‌میشه به‌ئاسانى ناتوانن بگه‌نه ده‌رئه‌نجامێكى گه‌وره‌و كاریگه‌ر به‌ڵكو به‌چه‌ندین ماندو بوون و هه‌وڵ و كۆشانى زۆر پێی گه‌یشتون . هه‌ندێك جار خۆیان له‌ژیانا نه‌ماون تا به‌رهه‌مه هزریه‌كانى خۆیان ببینن .
ئه‌مڕۆ به‌ووردى بڕوانینه مه‌سه‌له‌كانى ژنان ئه‌زانین بۆ دۆزینه‌وه و گه‌یشتن به‌چاره‌سه‌ر پێویستمان به‌قولأ بونه‌وه‌یه‌كى باش هه‌یه بۆ چاره‌سه‌رى زۆرێك له تێڕوانینه نه‌گونجاوه‌كان سه‌باره‌ت به‌ئاماده‌یی و ڕۆڵیان له ژیاندا . ئه‌گه‌ر چى به‌شێك له‌و تێڕوانینانه‌ش به‌رهه‌مى هزرێكى ناواقعى و نادروستن كه كاریگه‌رن به چه‌ندین فاكته‌رى سیاسى و ئابورى به‌رژه‌وه‌ندى خوازى دوور له به‌ها مرۆییه‌كان .
ئه‌وانه‌ى له‌م چه‌ند ساڵه‌ى دوایدا له‌ڕوى واقعیه‌وه بینیمانن وه‌ك فینیزمه ڕادیكاڵه‌كان و دوا ڕه‌وته‌كانى جێنده‌ر . ئێمه باس له هزرێكى ته‌ندروستى مرڤ دۆست ده‌كه‌ین هه‌ریه‌ك له ئێمه‌ى ژن و پیاو بگێرێته‌وه سه‌ر تێڕوانینه‌مرۆییه دروسته‌كه .
پێویسته فكر له‌چوارچێوه‌ی بنه‌ماگشتیه‌كان و هێڵه سه‌ره‌كیه‌كان و به‌ها باڵاكان به‌دواى چاره‌سه‌ردا بگه‌ڕێت و ڕه‌چاوى ڕه‌هه‌ندى ئاینى و كۆمه‌ڵایه‌تى و فه‌رهه‌نگى كۆمه‌ڵگا بكات .
Team up, strategize, and conquer—join the fun today! Hawkplay