هۆكاره‌كانی‌ له‌ناوچوونی‌ ڕووه‌ك

ئا: چیا حه‌مه‌ عه‌لی
-وشكبوونه‌وه‌ی‌ گڵ: له‌كه‌می‌ شێو تینوێتیه‌وه‌یه‌، به‌هۆی‌ ئاونه‌دانی‌ بۆماوه‌یه‌كی‌ زۆر، به‌تایبه‌تی‌ له‌وه‌رزی‌ گه‌شه‌كردنیدا، كه‌ده‌بێته‌ هۆی‌ وشكبوون‌و سیس بوونی‌ گه‌ڵاكانی‌‌و دواتر مردن‌و له‌ناوچوونی‌.
-زۆرئاودان: زۆر ئاودانی‌ ڕووه‌ك به‌تایبه‌ت له‌وه‌رزی‌ زستاندا ده‌بێته‌ هۆی‌ فه‌وتانی‌، دواتر وه‌رینی‌ گه‌ڵای‌ ڕووه‌كه‌كه‌، پێویسته‌ ئاگاداری‌ ئه‌وه‌بین كه‌ كه‌م ئاوی‌ ڕووه‌ك‌و زۆر ئاودانی‌ هه‌مان دیارده‌یان هه‌یه‌، كه‌له‌هه‌ردوو حاڵه‌ته‌كه‌دا گه‌ڵا وه‌رین ڕووده‌دات، به‌ڵام له‌زۆر ئاوداندان گه‌ڵاكان زه‌رد ده‌بن ‌و ڕه‌نگیان له‌سه‌وزێكی‌ تێره‌وه‌ به‌ره‌و زه‌ردبوون ده‌چێت، به‌ڵام له‌حاڵه‌تی‌ تینوێتیدا له‌سه‌ر ڕووی‌ گه‌ڵاكان په‌ڵه‌ی‌ بۆر ده‌رده‌كه‌وێت، هه‌روه‌ها له‌حاڵه‌تی‌ زۆر ئاوداندا چه‌ند په‌ڵه‌یه‌كی‌ سه‌وز له‌سه‌ر گڵه‌كه‌ی‌ ده‌رده‌كه‌وێت .
-سه‌رمای‌ شه‌و (زوقم): زۆرجار له‌هه‌ندێ‌ ناوچه‌دا پله‌ی‌ گه‌رمی‌ زۆر داده‌به‌زێت له‌شه‌ودا، كه‌ده‌بێته‌ هۆی‌ له‌ناوچوونی‌ ڕووه‌ك، بۆیه‌ ده‌بێت له‌شه‌ودا ڕووه‌ك له‌نزیك په‌نجه‌ره‌كان یان له‌ده‌ره‌وه‌ لاببرێت.
-خۆری‌ به‌تین: ئه‌و ڕووه‌كانه‌ی‌ كه‌گه‌ڵای‌ بچوك‌و ناسكیان هه‌یه‌، ده‌بێت دوور بخرێته‌وه‌ له‌تیشكی‌ به‌تینی‌ خۆر، تاوه‌كو گه‌ڵاكانی‌ وشك نه‌بێت.
-پله‌ی‌ گه‌رمی‌ كه‌ش ده‌بێته‌ هۆی‌ دابه‌زینی‌ ڕێژه‌ی‌ شێ، ئه‌مه‌ش زیان به‌هه‌ندێ‌ ڕووه‌ك ده‌گه‌یه‌نێت‌و ده‌یفه‌وتێنێت.
-وشكی‌ زۆر به‌هۆی‌ ته‌وژمی‌ هه‌واوه‌ (گڕڕه‌) زیانی‌ بۆ هه‌ندێ‌ ڕووه‌ك هه‌یه‌و ده‌بێته‌ هۆی‌ سیسبوون‌و وشكبوونه‌وه‌ی‌ گه‌ڵاكان‌و گڵه‌كه‌ی‌ و دواتر له‌ناو چوونى.
-بوونی‌ هه‌ندێ‌ گازی‌ ژه‌هراوی‌ و هه‌ڵم‌و دوكه‌ڵ‌و تۆز له‌ناو ماڵدا هۆكاره‌ بۆ كونبوونی‌ گه‌ڵاكان‌و به‌هۆیه‌وه‌ ناتوانێت هه‌ناسه‌بدات، به‌مه‌ش ڕووه‌كه‌كه‌ ده‌خنكێت‌و دواتر له‌ناو ده‌چێت.
-دانانی‌ ڕووه‌ك له‌جێیه‌كی‌ تاریكدا هۆكاری‌ فه‌وتانیه‌تی‌، ئه‌مه‌ش به‌هۆی‌ ڕوونه‌دانی‌ كرداری‌ خۆراك دروستكردنی‌ ڕووه‌ك، كه‌ڕووه‌ك به‌هۆی‌ تیشكی‌ خۆرو پێكهێنانی‌ ماده‌ی‌ كلۆرۆفیلی‌ سه‌وزه‌وه‌ كه‌ بنچینه‌ی‌ سه‌ره‌كی‌ له‌ ڕووناكیه‌وه‌یه‌، خۆراكی‌ خۆی‌ دروستده‌كات.
پێشتر وودا به‌كورتی‌ باسی‌ ئه‌و شتانه‌مان كرد كه‌ ڕووه‌كی‌ ناوماڵ پێویستیه‌تی‌ بۆ ئه‌وه‌ی‌ بژی‌و گه‌شه‌ بكات، لێره‌دا به‌درێژی‌ ئه‌و پێیوستیانه‌ باس ده‌كه‌ین: