شه‌ممه‌ , ئازار 2 2024

چۆن بزانین کەسێک بیری خۆكوژی هەیە

یادگار حاجی

سادەترین پێناسەی خۆكوشتن بریتیە لەكردارێكی دەستكردانەی مرۆڤ بەرانبەر بە خودی خۆیی بەهۆی بیرێك، یان هەستێك، یان بارودۆخێك كە دروست دەبێت و زۆرجار پەیوەست دەكرێت بەهۆی سەرنەكەوتن و بێ‌ ئومیدی و كێشە كۆمەلایەتی و دەرونی و ئابوریەكان…

چۆن كەسێك بناسینەوە كە بیری خۆكوژی هەیە؟

نزیكەی %80 ی حالەتەكان دەناسرێنەوەو پێش وەختە بە راستەوخۆو ناراستەوخۆ دەردەكەوێت، هەندێك جار ئاماژەكان زارەكیە وەك ئەوەی كەسەكە دەلێت ( ژیان خۆشی تیا نەماوە ، مردن خۆشترە ….هتد )، یان بەنازارەكی وەك ئەوەی كەل و پەلی بڕەرو چەك و دەرمانی ناپێویست كۆدەكاتەوە، كە ئەمانە دەبێت بەهەند وەربگیرت و بەزوترین كات پلانی بۆ دابنرێت…

بۆچی مرۆڤ بیری خۆكوژی بۆ دروست دەبێت؟هۆكاری خۆكوشتن چیە؟

وەك لە پێشەكیەكەش بە كورتی ئاماژەمان پێداوە هۆكارەكان جیاوازن، هەندێك جار نەخۆشیە دەرونیەكان هۆكارن بۆ نمونە ئەوانەی توشی خەمۆكی دەبن بیری خۆكوژیان زیاترە، یان هۆكاری كۆمەلایەتی و كێشەو دەرهاویشتەكانی، كە رەنگە لە كۆمەلگەی كوردی زیاتر بێت بەهۆی عەیبە و لەكەی كۆمەلایەتی، یان هەندێك جار هۆكاری ئابوری بێت لە بیكار و نەبونی جگە لە سۆشیال میدیا وهەندێك جاریش لە بێهیوای و سەرنەكەوتن و نەبونی ئومید و دروست بوونی ئەو هەست و بیرو بارودۆخانەی كە بەو هۆكارانەوە پەیوەندیدارن.

چارەسەر چیە ؟ چی بكەین لەو حالەتانەدا ؟

پێویستە هەر حالەتێكی لەو چەشنە بە جدی كاری لەسەر بكرێت و پلانی سەلامەتی بۆدابنرێت ، ئەو كەسەی كەبیری خۆكوژی هەیە هیچ عەیبەو شەرم نیە بەزوترین كات سەردانی كەسی پسپۆرو پزیشكی دەرونی بكات، یان لای كەسێكی متمانە پێكراو گفتوگۆبكات دەربارەی كیشەكان، پێویستە خێزان و هاورێی و دەوروبەریش بەجدی گوێ‌ لەم حالەتانە بگرن، هاوكار بن و چاودیری بكرێن و بەزوترین كات كەل و پەلە مەترسیدارەكانی لێ‌ دوربخرێتەوە، جگە لە هەندێگ پلان و ڕاهێنان كە ناكرێت لیرە ئاماژەی پێ‌ بكرێت و كات و شوێنی تایبەتی خۆیی دەوێت.

هەوڵی خۆكوشتن لە رەگەزی مێ‌، سێ‌ هیندەی ڕەگەزی نێرە ، بەلام خۆكوشتنی تەواوەتی لای رەگەزی نیر زیاترە، بەپێی تەمەنەكانیش لە زۆربەی قۆناغەكان هەیە، بەلام لە قۆناغی هەرزەكاری و نەوجەوانان زیاترە.

هیچ شتێك شایەنی ئەوەنیە مرۆڤ گیانی خۆی بكاتە قوربانی، هەموو كێشەكان چارەسەریان هەیە ڕەنگە كەسەكە پەی پێ نەبردبێ، خودا ڕێزی لە مرۆڤ ناوەو ژیان بۆ خزمەتی مرۆڤایەتیەو هەرگیز خۆكوشتن چارە نیە..
بەپێی ئامارێكی رێكخراوی تەندروستی جیهانی سالانە یەك ملیۆن كەس كۆتایی بە ژبانی خۆیان دەهێنن، لەكوردستانیش ئامارەكان لەبەرزی ماوەتەوە و پلانی جدیی پێویستە لەسەر ئاستی كۆی دامەزراوە پەیوەندیدارەكان.

Check Also

هەرجارەی توێژینەوەیەك (13) كاریگەری كۆمەڵایەتی لەسەر شێرپەنجەی منداڵان

بەیان نوری تۆفیقكاریگەری بواری مەعریفەیی و كۆمەڵایەتی و جەستەیی ودەروونی لەسەر ئەو منداڵانەی تووشی شێرپەنجەی …

وەڵامێک بنووسە

پۆستی ئەلیکترۆنییەکەت بڵاوناکرێتەوە. خانە پێویستەکان دەستنیشانکراون بە *