شه‌ممه‌ , نیسان 13 2024

لێرەوە دەست پێ بكە

خەرمان عبدالكریم

ڕێگاكان چەندە ڕوناكبن ڕۆژێكدێت گڵۆپێكی ئەو ڕێگەیە بسوتێت، یاخود بكەوێتە بەر شەپۆلی كوژانەوەو بەرەو هەڵدێری تاریكبوون بڕوات، بەهەمان شێوەش مرۆڤەكان هەندێكیان تاریكبینن هەندێكیشیان ڕوناكیەكان بەتاریكی دەبینن، ئومێدی مرۆڤەكان بەجۆرێكە هیچ بیر لە دەوروبەرو ئاسۆكان ناكانەوە، بەجۆرێك مامەڵە دەكات وەك پێویستی و تێركردنی سكی برسیەك، بەو جۆرە دەدوێت كە دڵ و هەستی بەرامبەرەكەی بپێكێت بەو تیرەی لەناو زاری دێتە دەرەوە، هەندێك جار دەستەواژەی زار بەجۆرێكن كوشتەی دڵی مرۆڤێكی ئەسرین بارە، بەمە دەڵێن مرۆڤە تاریكبینەكان.

كاتێك ئەو دەستەواژە دەپژێت گەردیلە وردە ئەفسوناویەكانی چاو بێ ئەوەی ویست هەبێت بۆ بارین دەكەوێتە سەر گۆناكان، بۆچی؟ چونكە هەمان ئەو قسەیە گەیشتە نەریتە باوە ناسكەكەی بیلبیلەی چاوو، ڕۆچوونی زیاتر دەردەدات، لەبەرئەوە پێویستە ئەو نەریتە لە مێژووی مێینەدا بسڕێتەوە یاخود كاڵا بكرێتەوە بۆ ئەوەی بەتەندروستانەتر مامەڵەی سۆزداری لەگەڵا ڕووداوەكانی دەوروبەری بكات.

هەندێكجار لە كەوتنی بچوكەوە گوڕێكی گەورە بۆ هەستانەوە هەیە، بۆیە لەهەموو ناڕەحەتیەكان دەرسێكی نەك بچووك وەرناگرین، بەڵكو هێمن هێمن لەناخەوە خۆمان دەخۆینەوەو ناتوانین تەنانەت بە نزیكترین كەس بڵێی كە ناخم وێران بووە، ناتوانم هەستمە سەر ناسكی پێیەكانم، چونكە چوار پەلم نەماوە نەرم بووە، ئەوەت پێ شەرمە بیڵێیت، بەڵێ‌ پێت شەرمە، بەڵام شەرم ئەوەیە كە غیرەتی ڕووبەڕوونەوەی لایەنی سۆزداریت نییە، لەبەرئەوەی هەمیشە تۆ قسەو ناخی دەوروبەرت لا گرنگ بووە، كەواتە ئەی ژیانە تایبەتیەكان كوان، لەكوێن، چییان لێهاتووە!!

نا بوونی نەماوە، ئەگەر ئەوەشت نەتوانی تۆ كارێك بكە، لەبەرامبەر ئاوێنەی ڕووبەڕووبونەوەی ناخی خۆتدا بووەستەو پێ بخەرە سەر پشكۆ بڵێسەدارەكەو هاوار بكە بەرەوڕووی ئەو چاوەی پڕە لە نهێنی، لەو خاڵەوە دەست پێ بكەو ناخت ئاسودە بكە بەوەی تاریكی و ڕووناكی خالقێك بەدیهێنەرێتی تۆ، هەموو كات بەو جۆرە سەیری ئەو دیوی شتەكان بكە كە پێشهاتەی جوان و واتادار بێت ئامانجەكانی، بەجۆرێك سەیری ماڵێك مەكە دیوارەكانی هەمووی خاپوور بووبن و كەس نەبێت چوار پارچە داری بۆ بێنێ، ئومێد خاڵی وەچەرخانی هەموو ناڕەحەتی و ناسۆریەكانی ژیانی دونیایە.

وا بژی كە هەموو كات ئومێد خاڵی دەستپێكەو، ئاوێنە بۆ ڕووبەڕووبونەوەی ناخی هەژێنەرت بكە هاودەمت‌و، زاری دەوروبەریش هەمیشە بكە ئاو پرژێنێك بۆ ئاودانی ئەو تۆوانەی خەریكە بەرەو نەمان دەچن، ئەگەر هاتوو لە خزمەتی بەرژەوەندی تۆبوون، بەڵام بۆ لە ناوبردن و ڕووخاندن بیكە خۆڵی نەمامگەكان تا فێری ئەوە ببن لەخۆڵەوە هاتوون دەچنەوە ئەوێ، هەر لەو خۆڵەشەوە سەرجەم كەرەستەو گوڵزارەكان گەشە دەكەن، كەواتە فێر دەبن قسەی زار ئەكرێت گوڵا بێت ئەشكرێت دڕكی ژەهراوی بێت هەمیشە بەئومێدبن.

Check Also

هەنار، کیژێکی کاکەییەو یەکەم خانمە فۆتۆگرافەرە لە هەڵەبجە

ئا:ڕۆشنا صاڵحهەنار كیژێكی شاری هەڵەبجەی شەهیدەبە میهرەبانی و ڕوخۆشییەكەی ئارامی دەبەخشێ بەكەسانی دەوروبەری، پیشەی مامۆستای …

یەک کۆمێنت

  1. Howdy! This is my 1st comment here so I just wanted to give a quick shout out and tell you I truly enjoy reading through your articles. Can you suggest any other blogs/websites/forums that deal with the same subjects? Thanks a ton!

وەڵامێک بنووسە

پۆستی ئەلیکترۆنییەکەت بڵاوناکرێتەوە. خانە پێویستەکان دەستنیشانکراون بە *