Voltaren ‎

لاڤان ئيدریس ‎ی. دەرمانساز

 ‎ناوی زانستی ئەم دەرمانە (Diclofena)لەگروپی سەر بەكۆمەڵەی ناسترۆیدە، بەكاردێت بۆ چارەسەری ئازاری ناوسك و ئازاری گورچیلەو كۆئەندامی میزو میزەڕۆ، سوڕی مانگانە، سەرئێشە، ئازاری ددان، وە ئازاری دوای نەشتەرگەری، ئازاری جومگەكان، پشت ئێشە، گرژبوون و ڕەقبوونی ماسولكەكان و شكاوی . ‎وەهەروەها دژە هەوكردنە وەك هەوكردنی جومگەكان و سەوەفان، ڕۆماتیزم و بۆ (داء الملوك)و تای بەرزیش بەكاردێت.

 ‎ئەم دەرمانە پێویستە لەژێر چاودێری پزیشكدا بەكاربێت، بۆ كەمكردنەوەی كاریگەرییە لاوەكیەكانی

شێوەی دەرمان

* حەپ

 * شاف

 * دەرزی

 * تۆز

* جێڵ

 ‎كاریگەرییە لاوەكیەكانی ئەم دەرمانە:

 ‎تەشەنوج.

 سەرئێشە.

 سەرگێژبوون.

 ئازاری سك.

 سكچون.

 قەبزی.

 ئازاری قەفەزەی سنگ.

 پەڵەو خوران.

 ڕەنگە پەڵەپەستۆی خوێن بەرزبكاتەوە.

 ‎لەو كەسانەی كە كێشەی گورچیلەو جگەریان هەیە ئەگەر بەڕێژەیەكی زۆر بەكارهێنرابێت دەبێتە هۆی وەستان و سستبوونی گورچیلەو جگەر.

 ‎ئەو كەسانەی نابێت ئەم دەرمانە بەكاربهێنن:

 ‎۱.ئەو كەسانەی هەستیاریان هەیە بە voltaren

‎۲.خانمانی سكپڕ، بۆ ئافرەتی شیردەر ئەو زیانانەی نییە

 ‎۳.ئەو كەسانەی جگەرەكێشن یاخود مەشروب خۆرن یان ئەوانەی ماددەی هۆشبەر بەكاردەهێنن

 ‎٤.ئەوانەی ڕەبۆیان هەیە

 ‎٥.ئەو كەسانەی خوێنبەربوونی ڕیخۆڵەیان هەیە

 ‎٦.ئەو كەسانەی كە ئاو كەم دەخۆنەوەو لەشیان وشكبۆتەوە .

‎كۆمەڵێك دەرمان هەیە لەوانەیە كارلێك لەگەڵ ڤۆڵتارین بكەن ئەمانەن:

 ‎۱.حەپی زەخت و دڵی وەك كایۆتین، لایسنۆپڕڵ، ئینلایدڵ، گرویی ڤاڵسارتان، لۆسارتان، لازكس، مۆدیۆریتیك.

 ‎۲.حەبی میسۆتریكسەیت بۆ شێرپەنجەو پاش چاندنی گورچیلەو ڕۆماتیزم و سەدەف بەكاردێت.

 ‎۳.دەرمانی دەروونی وەك لیسۆم ‎سپرۆدار ‎شیرۆیدەكان ‎سایكلۆسیرۆین ‎ئەم دەرمانە دەبێت لەسەر گەدەی تێر بخورێت پێویستە یەك پەرداخ ئاو زیاتری لەگەڵ بخورێت ‎نابێت حەبەكە لەت بكرێت.