هەڵاڵە محەمەد ئەڵماس
لەڕۆژی کرێکاراندا بافەرامۆش نەکرێن و مافی خۆیان پێ بدرێت!
جێبەجێکردنی یاساکانی کرێکاران لە هەرێمی کوردستان (وەک یاسای کار و یاسای دەستەبەری کۆمەڵایەتی) بەشێوەی گشتی بۆ پاراستنی مافی کرێکارانە؛ بەڵام لە پراکتیکدا تا ڕادەیەکی زۆر کێشە و کەموکورتی هەیە و گرفت دروست دەکات، وەک:
ـ جێبەجێکردنی یاساکان لاوازە بەتایبەتی لە کەرتی تایبەت.
ـ دواکەوتنی موچە: لەکەرتی گشتی و تایبەتی، کە زەرە دەدات لەژیانی کرێکاران، دواکەوتنی مووچە کراوەتە مۆدێلێکی ناشیرین کە هاوشێوەی نەبووە!
- نەبوونی چاودێری بەهێز: کەمبوونی چاودێران و سیستەمی سزادان.
- لاوازی ڕێکخراو وسەندیکا و یەکێتیە کرێکارییەکان.
- نەگونجاوی موچەکان لەگەڵ ژیانی ڕاستەقینە: لەگەڵ بەرزبوونی نرخ و ژیان، موچە زۆرجار نەگونجاوە.
گەر سەرنج بدەین یاساکان لەسەر کاغەزن! چونکە یاساکان تا ڕادەیەکی باش پارێزگاری لە کرێکار دەکەن، بەڵام:کێشەی سەرەکی ئێمە لە جێبەجێکردن و چاودێرییە، نەک لە یاسا.
پێشنیار بۆ باشترکردن بارودۆخی کرێکاران : - بەهێزکردنی سیستەمی چاودێری و سزادانی کەمتەرخەمان و گەندەڵ کاران، هەروەها بۆ ئەو کرێکارانەی لەکاتی کاردا گیان لەدەستدەدەن قەرەبووی کەس و کاریان بکرێتەوە
- پشتگیری ڕاستەقینە لە سندیکاکان و ڕزگارکردنی سەندیکاکان لە دەستی حیزب و دەسەڵات.
ـ دابینکردنی بیمەی تەندروستی بۆیان - دانان و چەسپاندنی موچەیەک کە گونجاو بێت بەپێی بازاڕ.
- زیادکردنی هۆشیاری کرێکاران بەرامبەر مافەکانیان.
- پارێزگاری کردن و هاوتاکردنی مووچەی کرێکاری ژن و پیاو.
- هەموارکردنەوەی یاساکان و ڕینمونیەکان.
لەکۆتاییدا ؛ پێویستە چۆن گرنگی بە کرێکاری بیانی دەدرێت لەوەزیاتر گرنگی بەکرێکارانی ناوخۆ و کەرتی گشتی و تایبەت بدرێت.
