شادان عوسمان
دوای باسکردنی ژیانکردن لە ئان و ساتدا، ئەمجارە پرسیارێکی گرنگ دێتە پێشمان:
چۆن دەستبکەین بە چاکسازی خود؟
سەرەتا پێویستە کەمێک بگەڕێیتەوە بۆ ناو خۆت، بە تەنها دابنیشە و لە نەفسی خۆت بپرسە:
من چیم دەوێت؟
ئامانج و ئەرکی ژیانم چییە؟
تا ئامانجت دیاری نەکەیت، نازانیت بۆچی دەژی و ڕێگاکەت ڕوون نابێت.
بەڵام دەبێت ئەوە بزانین ئامانج دەگۆڕێت، بەگۆڕینی ئەم لایەنانە:
- بیرکردنەوەکانت
- هاوڕێکانت
- گفتوگۆکانت
- کارەکانی ڕۆژانەت
بەڵام زۆرجار مرۆڤ نازانێت چۆن لەگەڵ خۆی یەکانگیر بیت، ئەمەش وادەکات زۆر شت لە ناخیدا دەمێنێتەوە کە نازانێت کامیان گرنگە و کامیان گرنگ نیە.
بۆیە پێویستە مرۆڤ لە سەرەتاوە نەفسی خۆی بناسێت، ڕۆژێک دیت لە بەردەم پەروەردگار دەوەستیت و لێت دەپرسرێت:
چۆن نەفست ناسی؟ لە ڕێگای ئەم خۆناسینەوە، مرۆڤ دەبینێت کە لە ناخیدا زۆر بەربەست و نەخۆشیی ڕۆحی هەیە، وەک: - زانینی حەق، بەڵام قبوڵنەکردنی.
- فریودانی خۆ و کەسانی تر.
- تەمەلی: دەڵێم دەمەوێت بگۆڕم، بەڵام هێزم نییە.
- وابەستەبوون بە شتە فانییەکان.
- گومانکردن کە بەزوویی دەبین بە مرۆڤێکی تەواو.
هەندێکیش لە نیشانەکانی غفڵەتە، وەک: - لعب • لهو ٠ لغو
ئەم شتانە مرۆڤ لە ڕێگای ڕاست دوردەخنەوە، بۆیە پێویستە مرۆڤ هێواش هێواش بگەڕێتەوە بۆ هۆشیاری،
بزانێت زۆرجار خۆمان خۆمان فریو دەدەین: - فریودانی خۆ
- فریودانی کەسانی تر
- تەنانەت فریودانی پەروەردگار لە کرداردا
باشترین شت بۆ دەستپێکردن ئەوەیە:
دەست پێ بکە، هەر بە شتێکی بچوکیش بێت.
واز لە دواخستن بهێنە.
دواخستن مرۆڤ دەخاتە ناو ئەو کۆمەڵەیەی کە قورئان باسیان دەکات:
“بَلْ هُمْ فِي شَكٍّ يَلْعَبُونَ”
دەست پێ بکە…
کاتێک تۆ هەنگاوێک بنێیت بۆ خوا، خواش یارمەتیت دەدات.
هێواش هێواش لەو هەموو تێکچوون و پەشۆکاوەییەی ناخت، ڕێگای ڕاست دەدۆزیتەوە.
