خەرمان عبدالکریم
پێوانەی دڵسۆزی بەگلەیی و زۆر ناکرێت،
ڕێگە بدەن قیاسەکانی ئەقڵ خۆیان بپێون و بێنە گۆ، ڕێگە بدەن لەسەر شانەکانت گریان دەست پێ بکات و لە ڕوتدا خەندەی ساختەو لە پشتەوە خەنجەری ژەهراوی و لەدورەوە قسەی ناجۆرو لە نامەکانەوە کردارو لەڕاستیدا ونبوون هەبێت، کامیان لەمانە دەبنە هاو ئاست بۆ هەست پێکراوەکانی ژیانت و دڵسۆزانە بێ وەستان فریاد ڕەسن، لەکەیداو لەکوێدا دڵسۆزەکان دەناسرێن
پرسە جێگەی ناسین نییەو بۆنەو ئاهەنگەکانیش جێگەی موحیبەت و سۆز نین
بپرسە لەو واقعەی ڕۆژانە تێی دەکەویت لە کەوتنی منداڵێکی یەک ساڵ و نیو لە چونی بۆ قوتابخانەی منداڵێکی شەش ساڵ، لە چونە قۆناغی هەرزەکاری و لە تێپەڕاندنی خوێندن و لە دەرچونی لە زانکۆو، لە مانەوەی لەماڵەوەو لە گرفتاری ڕۆژگارو لە هەبوونی تاڵی سپی و لە دەرکەوتنی نیشانەی خەمۆکی و لە پێوە دیارنەبوونی نەخۆشی لەونبوونی لەناکاو؟؟؟؟لەم کاتانەدا هەرکەس پرسی دڵسۆزە لەدەستی مەدە
مەرجی دڵسۆزی ئەوەیە هەمیشە پەناگەبیت.. لە لێواری کەوتن دەستت پێوەبگرن هەستیتەوە، لەناڕەحەتیدا خۆشبەختی لەتەنیشتی ئارام بیتەوە، لە قوڵایی نەهامەتی بیت و ڕێگەت بخاتە بەردەم، لە نوقم بوون بیت و پەلت بگرێت بۆ دەربازبوون…ساغی و دەرکەوتەی پەناگە لەهەزاران مەوقیف دەردەکەون، نەک توشی سەختی و ماندوێتی و هەزاران شکست و نائومێدی وکەوتن بیت لەڕێگەی کۆمێنت و نامەی هاوخەمییەوە لە ڕوودا دابمێنن کۆمێنتی پێش و دوا کۆپی بکەن و بۆت دابنێنەوە پەناگە هاوشێوەی کەمە یان هەر نییە یان دەگمەنە،
یاخود بۆ هەمووان ببنە داری دەست و هەستانەوە، بەڵام شەرمەندەبێت نزیکترین کەسی هاوخەمی بێت و هەست بەوە نەکات کە گرنگە هەمووانت بۆ گرنگ بێت گرنگترینی ژیانت لەدەست بدەیت دڵسۆزانە مامەڵەی ڕۆحی بکەن تا زەمەنی بردنەوە لە چەقی خاکێکدا ونی نەکردوون لەیەک.
