هه‌ینی , نیسان 19 2024

حوکمی بەڕۆژوبوونی بەشێک لە نەخۆشییەکان


و: ژیان نوری تۆفیق
ئەو نەخۆشانەی كە پەستانی خوێنیان هەیە و دەتوانن كاتی دەرمانیان ڕێكبخەن دەتوانن بەڕۆژوو بن، بەڵام لە ئەگەری زۆر بەرزبوونەوە یان دابەزین كە نەتوانن تا ئێوارە بەرگە بگرن دەبێت بەڕۆژوو نەبن.
نەخۆشیەكانی گەدە و ناوسك:-
-ئەگەر قورحەی گەدە یان دوانزە گرێ هەبوو وە نەخۆش هه ستی بە ئازار كرد لە كاتی برسیەتی یان ئازار بە ئاگای هێنایەوە لە خەو ئەوا ئەتوانئ بەڕۆژوو نەبێت.
-ئەگەر یەكێك تووشی سكچوونی زۆر هات وا باشە بە ڕۆژوو نەبێت، چونكە ئاو و خوێ و كانزای زۆر لە دەستدەدات و، جەستەش ناتوانێت دابینی بكات، ئەگەر بەڕۆژوو بێت تووشی وشكبوونەوە دەبێت و پەستانی دادەبەزێت.
-ئەوانەی نەشتەرگەری گەدەیان بۆ كراوە و پارچەیان لە گەدەی بڕیوە پێویستیان بە ژەمی كەم و ڕێكخراو هەیە ئەتوانن بە ڕۆژوو نەبن.
نەخۆشیەكانی سنگ و دڵ:-
-ئەوەی تووشی(ذبحە الصدر) ببێت و بە دەرمان بارودۆخی باش بووبێت و، هیچ ئازاری نەبێت ئەتوانێت بەڕۆژوو بێت، بەمەرجێك پزیشك بتوانێت كاتی دەرمانی بۆ ڕێكبخات لە گەڵ ڕۆژووەكەی، بەڵام ئەوانەی كە (نیترۆگلسرین)ئەخۆن وا باشە بەڕؤژوو نەبن.
-ئەوەی تووشی جەڵتە بووبێت واباشە تا 6 هەفتە بەڕۆژوو نەبێت، بەڵام ئەگەر دوای 6 هەفتەكە بارودۆخی ئاسایی بێت و، بتوانێت بە ڕێكی دەرمان بەكاربهێنێت ئەتوانێت بە ڕۆژوو بێت.
-ئەوەی نەشتەرگەری دڵی كردوە تا 6 هه فتە ناتوانێت بە ڕۆژوو بێت.
-ئەو نەخۆشانەی كە ئیلتیهابی قەساباتی هەیە و ئەتوانێت دەرمانەكانی لە نێوان ئێوارە و پارشێودا بخوات و، ئەگەر بارودۆخی باشە و ئیلتیهابەكەی كەمە ئەتوانێت بەڕۆژوو بێت، بەڵام ئەگەر پێویست بوو هەر 6 كاتژمێرێك دەرمان بخوات ئەوا نابێت بەڕۆژوو بێت تا چاكدەبێتەوە.
-ئەوەی كە نەخۆشی سیلی هەیە، بەڵام بە شێوەیەكی گشتی باشە و دەرمانەكانی بە ڕێكوپێكی وەربگرێت ڕۆژووەكە كاریگەری خراپی نەبێت بۆی ئەتوانێت بەڕۆژوو بێت، بەڵام ئەگەر بارودۆخی باش نەبوو نابێت بەڕۆژوو بێت.
ناڕێكی هۆرمۆنی غوددە:-
-ئەو نەخۆشەی كە غوددەكەی زۆر چالاكە و( ثیرۆكسین ) زۆر دەردەكات، بەڵام بارودۆخی جێگیرە ئەتوانێت بەڕۆژوو بێت بە مەرجێك دەرمانەكانی بە ڕێكوپێكی بخوات.
-ئەو نەخۆشەی كە غوودەكەی تەمەڵە ئەتوانێت بەڕۆژوو بێت، بەڵام ئەوەی كە تووشی ئیلتیهاباتی غوددە بووە و ئازاری هەیە و تای هەیە ئەتوانێت بەڕۆژوو نەبێت.
هەندێك نەخۆشی و حاڵەتی تر:-
–ئەوەی گەشكەی هەیە ئەتوانێت بەڕۆژوو بێت بە مەرجێك دەرمانەكانی بە ڕێكی وەربگرێت.
–سەبارەت بە ئافرەتی دووگیان ئەگەر پزیشكێكی ئیماندار پشكنین بۆ خۆی و منداڵەكەی ناوسكی بكات و بە شێوەیەكی گشتی بارودۆخیان باش بوو ئەتوانێت بەڕۆژوو بێت،
–ئەو ئافرەتەی شیر دەدات ئەگەر زانی بەڕۆژووبوون كاریگەری هەیە لەسەر تەندروستی خۆی یان منداڵەكەی، یان لەسەر شیردانەكەی ئەوا ئەتوانێت بەڕۆژوو نەبێت.

Check Also

بەڕۆژوو بوونی تووشبوانی نەخۆشی شەكرە

و:ژیان نوری تۆفیقنەخۆشی شەكرە لە ڕووی پزیشكییەوە ئەكرێت بە 4 جۆرەوە:-جۆری یەكەم:- ئەو نەخۆشانەی كە …