و:ژیان نوری تۆفیق
نەخۆشی شەكرە لە ڕووی پزیشكییەوە ئەكرێت بە 4 جۆرەوە:-
جۆری یەكەم:- ئەو نەخۆشانەی كە بە دڵنیاییی تووشی كاریگەریە مەترسیدارەكانی شەكرە ئەبن كە بریتین لە:-
1-دابەزینی زۆری شەكرە لە 3 مانگی پێش ڕەمەزان
2-ئەو نەخۆشانەی دابەزین و بەرزبوونەوەی شەكرەیان دووبارە دەبێتەوە.
3-ئەو نەخۆشانەی شەكرەیان زۆر دادەبەزێت، بەڵام زۆر هەستی پێناكەن.
4-ئەو نەخۆشانەی بە زەحمەت شەكرەیان كۆنترۆڵ دەبێت.
5-ئەنسۆلینی زۆر كەمە و زۆر میز دەكات.
6-شەكرەی جۆری یەك.
7-ئەونەخۆشانەی شەكرەیان كۆنترۆڵ نیەو ئیشی قورس ئەكەن.
8-ئەوانەی نەخۆشی شەكرەیان هەیە و گورچیلەیان پێویستی بە شتنە.
جۆری دووەم:-
ئەو نەخۆشانەی كە ئەگەری تووشبونیان بە كاریگەریەكانی شەكرە هەیە لە كاتی بەڕۆژووبووندا كە بریتین لە:-
1-ڕێژەی شەكریان بەرزدەبێتەوە بۆ 180 تا300،وە ڕێژەی شەكرەی 3 مانگیان لە 10 زیاترە.
2-ئەو نەخۆشانەی جگە لە شەكرە گورچیلەشیان نەخۆشە.
3-ئەو نەخۆشانەی لەگەڵ شەكرە نەخۆشی دڵیشیان هەیە.
4-ئەوانەی بە تەنها ئەژین و دەرزی ئەنسۆلین بەكاردەهێنن یان هەر چارەسەرێك كە ئەنسۆلین دەربدات.
5-ئەو بەساڵاچووانەی جگە لە شەكرە نەخۆشی تریان هەیە.
6-ئەو نەخۆشانەی كە دەرمانێك دەخۆن كاریگەری لەسەر عەقڵ هەیە.
حوكمی ئەو دووبەشە:-
ئەم دوو جۆرە ئەگەر بەڕۆژوو بن تووشی زیانی تەندروستی دەبن بۆیە نابێت بەڕۆژوو بن.
(ولا تلقوا بأییدیكم الی التهلكە)،واتە بە دەستی خۆتان،خۆتان مەفەوتێنن.
جۆری سێهەم:-
ئەو نەخۆشانەی ئەگەرێكی مامناوەند هەیە تووشی كاریگەریەكانی شەكرە بن لە كاتی بەڕۆژووبووندا، كە بریتین لەو نەخۆشانەی بەبەكارهێنانی ئەنسۆلین ڕێژەی شەكریان جێگیرە.
جۆری چوارەم:-
ئەو نەخۆشانەن كە بارودۆخیان باشە و ئەگەری تووشبوونیان بە كاریگەریەكانی نەخۆشی شەكرە كەمە، بە هۆی پارێزیكردن بێت یان دەرمانێك كە ئەنسۆلین چالاك بكات نەك ئەنسۆلین دروست بكات، ڕێژەی شەكرەیان جێگیرە.
حوكمی ئەو دوو جۆرە:-
دەبێت بەڕۆژوو بن چونكە تووشی هیچ زیانێكی تەندروستی نابن بە بەڕۆژووبوون، بەڵكو لەوانەشە لێی سوودمەند بن
