ڕۆشنا صالح بامۆکی
وەک خۆرە کاتە بەنرخەکانمان دەخوات و بێ ئاگایانە ، بووە بە هاوڕێی نزیکمان و بێ ئەو چەند خولەک ناژین ، ئەوەی پێمان دەبەخشێت مشتێک زانیاری سواو و دوبارەیە و هەر ڕۆژەی ڕەنگ و بەرگێکی نوێ بەباڵایدا دەکات ، ستیڤ جۆبس کەداهێنەری ئەم ئامێرەیە و بوەبەچەتەی ژیانمان و ڕۆژانە گەر 3کاتژمێر بەکاری بهێنین ئەوا ساڵی 1ِ٫080 کاتژمێری تەمەنمان بەهەدەر ڕۆشتوە ، خوێنەری ئەزیز نکولی لەباشی و کارئاسانی و ڕێگاکورتکردنەوەی ناکرێت و هەموان دەزانین ڕێگای سود لێبینی زۆر و کراوەیە بەڵام زیانەکانی چۆن لەسەر خۆمان لاببەین ؟
لەخۆت بپرسە چەند ساڵە تێکەڵی دونیای خەیاڵی تەکنەلۆژیا و ئینتەرنێت بوویت؟
کامانەن دەستکەوت و سودەکانی بۆت؟
چەند ڕێنمای و ئامۆژگاری ناو ئەم ئەپانەت جێبەجێ کردووە؟
ئەو ڤیدۆ فێرکاریانەی بینیوتن و زۆرینەیانت سەیڤ یان سکرین کردووە چەندیان دوبارەکردووەتەوە گۆڕانکاریان لە ژیانتدا دروست کردووە؟
کام بەهرەیەت پەرەپێدا و لەڕێیەوە سودی مادی و مەعنەویت دەست خست؟
فێری چەند زمان بوویت؟
کام گرفتەی خۆت و دەوروبەرت چارەکرد لەڕێ ئینتەرنێتەوە؟
ئەی ڕوخسارت چەند هێڵی زیادکردن بەهۆی موبایلەکەی دەستتەوە؟
سۆمای چاوەکانت و هێز و وزەی جەستە و لەش و لارت جەستەی وەرزشی و سەلیمت چی بەسەرهاتووە ؟
بەڕای ئێوە ژیانی 10 ساڵ پێشتری خۆمان و پێشینانی خۆمان بۆ ئەوەندە بەرەکەتدار و پڕ چێژبوو ؟
ئێستا کار ئاسانی زۆر و کاتی کەم
داهات و ڕەفاهیەت زۆر و بێ بەرەکەت
بەنامە هەواڵی ئازیزترین کەست دەپرسی و بێ ڕۆح و خرۆش وەڵامەکەی وەردەگریت
هیچ لەوجودت ناگۆڕیت..!
تا لەئێستا درەنگتر نەبووە بیرێک بکەوە ، بڕیاربدە، ژیانت بگۆڕە بۆ باشتر لەوەی کە ئێستا هەیە ، کاتەکانت ڕێکبخە ، بۆ ئیش و پێوستی و خۆت و ڕێنمای و بەدەمەوە بوونی خەڵکی نەبێت موبایل بەکار مەهێنە ، خودا هەمیشە دەرگای ڕەحمەتی کڕاوەیە ڕۆژی پێنجار بانگمان دەکات ، ئەم دونیافانییە هی کات بەفیڕۆدان و بێ خەمی نییە ، ڕێگایەکی دوور و درێژمان لە پێشە ، بەهەشت ئاسان دەستت ناکەوێت ، خۆشی ئێرە کاتییە ، خۆشبەختی هەمیشەیی واتە بەدەست هێنانی ڕەزامەنی خوداگیان.
