ئیمان یادەوەر
من ماڵی خاتونێک دەزانم
لەو بەری کۆڵانەکەوە ئازارەکانیت پێدەگات
ڕۆژانە لای بەقاڵەکە
بەکیلۆ خەم دەکڕێ و دەیخوات
ئەو بە فرمێسک، فەرشووقاپەکان دەشوات
بە پەڕۆی خۆزگە خەونەکانی
گەردوو تۆزی شوشەی پەنجەرەکە لادەبات.
بە کڵپەی ئاگری ناخی خواردن لێ دەنێت
کەلوپەلی نێو کەوەنتەرەکەشی ماتن
کەڕۆژانە ..گوێیان لە ئاهوو داخی دەبێت
دیوارەکان نەفرەت لەخۆیان دەکەن،
کەدەیبینن
وەستاون لەجێی خۆیانوو هیچیان بۆناکرێت.
ئێواران گوێ لەگۆرانیە غەمگینەکان دەگرێت
لەپێناو پەپولە وگوڵە پاکیزەکانی
گۆرانی بۆ برینە تەڕەکانی ژیانی دەڵێت
لەنێوان مەرگ و ژیانا دەوەستێت
شڵپەی ئازاری دێت.. بێتاقەتی لێ ئەچۆڕێت.
هیچ ناڵێت … ئەودەجەنگێت
شەوان بەرگی خەم دەپۆشێت
لەباوەشی گۆڕا خەوی لێدەکەوێت
ماچی مەرگ دەکات
نازی دۆزەخ هەڵدەگرێت.
تەنیایی بەتاڵەکانی پرچیا هەڵواسیوە و
بێ تاقەتی دەهۆنێتەوە
گۆڕستانێک لەچاویاتی و بە سەدەیەک بەهار
خۆزگەی پەژمودەی سەوزنابێتەوە.
ئەو
ئەو
زۆۆرشت …،
وتنی ئەم حەیرانە حەوسەڵەی دەوێت
حیکایەتێک لەنێو تابوتی مەرگەوە
ژیانێکە و ڕۆژی هەزار ژان دەگرێت
لێی مەپرسن دەردت چیە
چی دەزانێت ؟ جگەلەوەی
بە بزەیەکی
نەرمی
ژێر
سوراوە
کاڵەکەیەوە
پێبکەنێت!
هەرخۆی شانۆکار و سینارست ودەرهێنەر
ڕۆڵی بوون و نەبوون دەگێڕێت
ئومێدێک لەپشت ڕەشی چاوەکانیەوە پرشنگ دەدات
بەوهیوایەی ڕۆژێک لەجێی خۆر
ژیان، هــــــــەڵـــبــێــت.
Make every second count—play online games that matter. Hawkplay
Synovus Bank, Member FDIC, is an Equal Housing Lender and lends within the states of Alabama, Georgia,
Florida, Tennessee, North Carolina,and South Carolina.
My web site https://luvmatefreematrimony.com/
Sao79 Club or Sao Win is a reputable card game portal with more than 500,000 downloads by 2024. Enjoy playing card games, Sic Bo, coin toss, fish shooting, lottery… Sao79 allows cross-platform transactions via Momo Pay, scanned bank codes, transfer, Zalo Pay, scratch cards… along with quick withdrawals to bank accounts, ATM cards. https://sao79.vip/