ژیان له‌دووتوێی به‌رگێكدا

خه‌رمان عه‌بدوالكریم
دوونیا چه‌نده‌ مۆدێرنه‌ بووه‌، باسى ژیانى خۆمان ده‌كه‌ین بۆ كه‌سانێك به‌رگى دووه‌مى بۆ ئاماده‌ كردووه‌، ئێمه‌ بوینه‌ته‌ ئه‌و بوونه‌وه‌ره‌ى هه‌میشه‌ به‌شوێن ئه‌و شته‌وه‌ین كه‌ خۆمان پێوه‌ى ده‌ناڵێنین، باسى چاره‌سه‌رى گرفتێك بۆ به‌رامبه‌ر ده‌كه‌ین، خۆمان تیایدا نقوم بووین، كه‌وایه‌ سه‌ره‌تا دیوارى قوڕین بكه‌ به‌ چیمه‌نتۆ ، پاشان له‌ دیوارى هاوسێكه‌تدا نه‌خش و نیگارى جوانى بنوێنه‌ ……..
هه‌موو ته‌نگه‌نه‌فه‌سیه‌كانى ناو گه‌رووت ده‌ربكه‌و، پاشان بچۆ سروشتى ووڵاتى كوردان و له‌وێوه‌ نوێگه‌رایى بكه‌، نه‌ به‌ وێنه‌ى سێڵفى، نه‌به‌ نێت و بابه‌ته‌كانى، ته‌نها چاره‌سه‌رى ده‌روونى بۆخۆت هه‌ڵوێسته‌یه‌كه‌، له‌و گه‌مه‌یه‌ى كه‌ خۆت هۆكاریت بۆ دروستبوون‌و، هۆكاریشیت بۆ له‌ناوچوون، ئه‌كرێت ژیان مامه‌ڵه‌ى كڕین و فرۆشتن و موماره‌سه‌ بێت، ناكرێت به‌زۆر له‌فرۆشیاره‌كه‌ى وه‌رگریت و نرخێكى گونجاو دابنێیت، ئه‌شێت ببیته‌ فڕ‌وكه‌وان و باسى چیرۆكى بۆشایى ئاسمانێك بكه‌یت پێدا هه‌ڵفڕیویت، به‌ڵام له‌زه‌ویدا خه‌ون به‌فڕۆكه‌یه‌كه‌وه‌ مه‌بینه‌ به‌سه‌ر جادده‌ى قیردا بڕوات، با به‌و جۆره‌ بیت، له‌گه‌لأ هاتنت پیته‌ بێده‌نگه‌كان بێنه‌ وجود، به‌رگى ژیان له‌ باشی و نموونه‌یت ببنه‌ هه‌زاران، ئه‌وه‌ى خۆت بونیادى ده‌نێیت، نه‌ك ئه‌وه‌ى بونیاتنه‌رى كاره‌كته‌رى و چیرۆك بێژ بۆت پڕ بكه‌نه‌وه‌، ژه‌نیارێك به‌ هه‌موو هه‌سته‌كان بێنه‌ ده‌نگ بۆت، ئاوازى تازه‌ت بۆ بچڕن، ده‌رفه‌تى مانه‌وه‌ى زیاتر به‌كه‌سانێك مه‌ده‌، كه‌ پێكه‌نینى ڕوخێنه‌رت پێ ده‌ناسێنن..
په‌روه‌رده‌یه‌كى دروست هه‌ڵبژێره‌ بۆ ئه‌و دێڕه‌ى كه‌ پێت ده‌ڵێت: (ببه‌ به‌ خۆت، پاشان خۆت بونیات بنێ، پاشان بگه‌ڕێ به‌دواى كه‌مایه‌تیه‌كانت و سه‌ربه‌رزانه‌ هه‌نگاو بنێ) ئه‌مه‌ ده‌بێت مانشێتى ئه‌و كتێبه‌ بێت، كه‌ تۆ بۆ خۆت هه‌وڵى بۆ ده‌ده‌یت نه‌ك له‌سه‌كۆى بێ بڕوایى و ملهوڕیانه‌ جێگه‌و داخى به‌رامبه‌ریش پڕ كه‌یته‌وه‌، بۆیه‌ ژیان فێرمان ده‌كات:
ژیانى خۆش له‌قاقاو پێكه‌نینى بڵنددا نیى یه‌
له‌ مادده‌و سه‌روه‌ت و سامانى نه‌بڕاوه‌دا نى یه‌
له‌ جوانى هاوشێوه‌ى په‌رى ئاسا ده‌رناكه‌وێت