ن: د. محمد العریفى
و: چــــــرۆ حسین
یه‌كێك له جوانییه‌كانى ئاینى پیرۆزى ئیسلام وازهێنانه له‌و شتانه‌ى كه په‌یوه‌ندى به ئێمه‌وه نییه, چى له‌و ده‌سته‌واژانه جوانتره كه‌له پیغه‌مبه‌رى خوداوه ( د.خ ) بۆمان به‌جێ ماوه: “ده‌ست وه‌رنه‌دان له‌و شتانه‌ى كه په‌یوه‌ندى به تۆوه نییه”, چه‌نده ڕه‌زاگرانن ئه‌و كه‌سانه‌ى كه پرسیار گه‌لێك ده‌كه‌ن په‌یوه‌ندى به‌وانه‌وه نییه، بۆ نمونه كاتێك سه‌عاته‌كه‌ت ده‌بینێ پرسیار ده‌كات: به چه‌ند كڕیت؟ به دیارى بۆیان هێناوم. كێ بۆى هێناوى؟ هاورێكه‌م ئه‌ى ئه‌م هاوڕێت كێیه؟ یه‌كێكه له هاوڕێكانم. ئه‌ى له كوێیه؟ له زانكۆیه یان له كوێ؟ باشه به‌بۆنه‌ى چییه‌وه ئه‌م دیارییه‌ى بۆ هێناوى؟ به‌و شێوه‌یه له پرسیاركردن به‌رده‌وام ده‌بیت بۆ بابه‌ت گه‌لێكى بێ سود. له‌و كاته‌دا له‌ناخته‌وه ده‌نگێك پێت ده‌ڵێ هاوار بكه‌ى به‌سه‌ریدا و پێى بڵێیت: بۆ ده‌ست له كارێك وه‌رده‌ده‌ى كه په‌یوه‌ندى به تۆوه نییه؟! هه‌ڵبه‌ت كاره‌كه خراپتر ده‌بیت ئه‌گه‌ر له كۆڕو كۆبونه‌وه‌یه‌كدا ئه‌م پرسیارانه‌ت ئاڕاسته بكرى و شه‌رمه‌نده بیت به وه‌ڵامدانه‌وه‌ى.
یان بۆ نمونه كاتێك سه‌ردانى نه‌خۆشێك ده‌كه‌ى و پاشان پرسیارى نه‌خوشییه‌كه‌ى ده‌كه‌ى، ئه‌ویش به شێوه‌یه‌كى گشتى وه‌ڵام ده‌داته‌وه: سوپاس بو خودا باشم شتیكى ئاسان بوو، ببوره واته به‌ته‌واوى نه‌خۆشییه‌كه‌ت چییه؟ زیاتر ڕونى بكه‌ره‌وه، جێگه‌ى سه‌رسوڕمانه، كه‌ى پێویست ده‌كات هێنده له شته‌كان وردبیته‌وه و شه‌رمه‌نده‌ى بكه‌ى؟ تۆ چاوه‌ڕێیى چى ده‌كه‌ى! ده‌ته‌وێت پێت بلێت من توشى نه‌خۆشى مایه‌سیرى بووم، یان من برینێك له فڵان شوێنمدا هه‌یه! بۆیه یه‌كێك له جوانى و باشییه‌كانى ئاینى ئیسلام ئه‌وه‌یه واز بێنین له‌و شتانه‌ى كه په‌یوه‌ندى به ئێمه‌وه نییه، ماده‌م ئه‌و به شێوه‌یه‌كى گشتى وه‌ڵامى داویته‌ته‌وه پێویست ناكات هێنده ورد بیته‌وه و بابه‌ته‌كه دریژ بكه‌یته‌وه.
مه‌به‌ستم له‌م قسانه ئه‌وه نییه كه ئیتر ئێمه پرسیار له نه‌خوش نه‌كه‌ین، به‌ڵكو مه‌به‌ستم ئه‌وه‌یه زۆر پرسیاره‌كانمان قوڵ نه‌كه‌ینه‌وه به ئه‌ندازه‌یه‌ك نه‌خوشه‌كه شه‌رمه‌نده بێت. یان ئه‌و كه‌سه‌ى كه له‌ناو كۆمه‌ڵێكدا خۆێندكارێك بانگ ده‌كات: نمره‌كه‌ت چه‌نده؟ ئه‌ى ڕێژه‌ى ده‌رچونت چه‌نده؟ ئه‌ى بۆچى وه‌رنه‌گیراى له زانكۆ؟ ئه‌گه‌ر به‌راستى تو دڵسوزى ده‌نوینى ئه‌وه له لایه‌كه‌وه پرسیارى ئاڕاسته بكه نه‌ك زۆر وردبیته‌وه وه‌ك ئه‌وه‌ى كراسى چڵكن هه‌ڵخه‌ى به به‌رچاوى خه‌ڵكه‌وه! هه‌ربۆیه پێغه‌مبه‌رى خوا ( د.خ ) فه‌رمویه‌تى:” یه‌كێك له جوانى و باشییه‌كانى ئاینى ئیسلام واز هێنانه له‌و شتانه‌ى كه په‌یوه‌ندى به ئێمه‌وه نییه” . بۆیه پێَویسته وریا بین هیچ بابه‌تیك قه‌باره‌ى له خوى زیاترى نه‌ده‌ینى.
ماوه‌یه‌ك پێش ئێستا گه‌شتم كرد بۆ مه‌دینه له‌گه‌ڵ گه‌نجێك رێكه‌وتم كه كوره‌كانم به ناوه‌كانى (عه‌بدولره‌حمان و ئیبراهیم) ببات بو حه‌لقه‌ى له‌به‌ركردنى قورئانى پیروزو دوای بانگى عیشا بوم بێنێته‌وه، عه‌بدولڕه‌حمانى كورم ته‌مه‌نى ده ساڵان بو منیش ترسام ئه‌م گه‌نجه فزوڵى بیگرێت و هه‌ندى پرسیار بكات وه‌كو دایكت ناوى چییه؟ چه‌ند بران؟ باوكتان چه‌ند پاره‌تان ده‌داتى؟ ماڵتان له كوێیه؟ بۆیه كوره‌كه‌م ئاگادار كرده‌وه ئه‌كه‌ر پرسیار گه‌لێكى لێكردى ئه‌وه به‌م فه‌رموده جوابى بده‌ره‌وه ( واز له شتێك بهێنه كه په‌یوه‌ندى به تۆوه نییه ) بوم دوباره كرده‌وه تا له‌به‌رى كرد … باش ڕۆشتنیان گه‌نجه‌كه وتبوى خوا بتپارێزێ عه‌بولڕه‌حمان، ئه‌ویش وه‌ڵامى دایه‌وه خوا توش بپارێزى ..گه‌نجه‌كه پرسیبووى: باوكت ئه‌مڕۆ موحازه‌ره‌ى هه‌یه؟ كوڕه‌كه‌م هه‌وڵى دابو فه‌رموده‌كه بڵێ به‌ڵام بیرى نه‌مابو, وتبوى ده‌ست له شتى وه‌رمه‌ده كه په‌یوه‌ندى به تۆوه نه‌بێت، گه‌نجه‌كه‌ش وتبوى نا نا.. ته‌نها ویستم ئاماده‌بم له وتاره‌كانى، كوره‌كه‌شم وایزانى بوو ئه‌یه‌ویت به زیره‌كى قسه‌ى لێ ده‌ربێنى. دیسان هاوارى كردبو: وتم واز له شتێ بێنه كه په‌یوه‌ندى به تۆوه نییه ..
دوای گه‌رانه‌وه‌یان عه‌بدولڕه‌حمان بۆى گێرامه‌وه منیش پێكه‌نیم و جارێكى تر بابه‌ته‌كه‌م تێگه‌یانده‌وه.
پوخته‌ى باسه‌كه: هه‌وڵدان بۆ ڕاهێنانى نه‌فس له‌سه‌ر ئه‌وه‌ى ده‌ست له كارى خه‌ڵك وه‌رنه‌ده‌ین له‌سه‌ره‌تادا كارێكى قورسه، به‌ڵام له كۆتایدا مایه‌یى ئاسوده‌ییه
If you want to get a great deal from this post then you have to apply such techniques to your won webpage.
There is definately a lot to find out about this subject. I like all the points you made
actually awesome in support of me.
I very delighted to find this internet site on bing, just what I was searching for as well saved to fav
I very delighted to find this internet site on bing, just what I was searching for as well saved to fav
Some truly excellent info , Gladiolus I noticed this.
This is an excellent article. You did a great job of researching and presenting your findings in a clear and concise manner.
I have not checked in here for some time since I thought it was getting boring, but the last few posts are great quality so I guess I’ll add you back to my daily bloglist. You deserve it my friend 🙂