سەبا ئەحمەد
دەستەوسانم لەئاست ئەو هەموولاساریانەدا
لەئاست ئەو هەموو سەرکێشیەدا
دڵ دەیکات
لەبەهەشتدا ئادەمم …من دەڵێم :لێرەوەیە ئارامی
ئەو دەست بۆ سێوی حەرام دەبات.
لە تۆفاندا نوحم …من دەڵێم : لێرە لەنزیک منەوە پارێزراوی ئەو ئیمان بەشاخێک دێنێ بیپارێزێ.
لە بتخانەکەدا ئیبراهیمم دەڵێم :ئازەر بائەو بتانە بشکێنین ،ئەو دەڵێ : بوتی نەخشێنراومە کڕنوشی بۆ دەبەم.
لە کۆشکدا موسام من دەڵێم :دەبمە وەجاخی شاژنت وبمکە بەعەصات .کەچی ئەو ئەژدیهای ساحیرم بۆ دەنێرێ.
لەژوری خاتوندا دەڵێم : ئیمانم داناکەنم دەرگاکانی لێخۆشبون بکەرەوە ،بەڵام ئەو دەرگای خەتا دادەخاو سیپاڵی شەرمم ئەدڕێنێ.
لە دواخوانی پێش خاچدا بەگوێی نازیاندا دەچرپێنم ودەڵێم : هاوڕێم وەفاتان بیرنەچێ ،ئەفسوس ئەو دەبێتە سیخوڕی گیانم.
لە مەکەدا وەک محمد بەر لەوەی بمرێ لەباوەشی خۆیم دەگرێ و من دەڵێم : ئیمان بێنە بەم عەشقە
ئەو وەک میهرەبانترین نەیاری ملی سەرپێچی بادەدا…
بەگەروی هەموو پەیامبەران دەڵێم : خودا هاوکاریەک با ئەم دڵەم بێتەوە سەر ڕێ
چەندە سەختە
چ وەڵامێکی نائومێد کەرە خودا دەفەرمێ :
انک لاتهدی من احببت ولکن الله یهدی من یشاء.
