گۆنا تۆفیق
مرۆڤ لەڕووی قەدر و ڕێزەوە لەنێوان تەواوی بوونەوەراندا لوتکەی پێبەخشراوە، بێ ڕێزی بەماف و کەرامەتی بێ ڕێزییە بەرامبەر بە بەدیهێنەرەکەی.
لێرەدا جێی خۆیەتی باس لەوە بکرێت کە
بەدرێژایی مێژووی مرۆڤایەتی کردارو گوفتاری مرۆڤ دوولایەنە بووە، دروستە ئەگەر بڵێین هەمیشە لایەنی زەبر و زەنگ و ستەم زاڵتربووە لەکۆمەڵگەدا، بەتایبەت ڕەگەزی مێ و منداڵان تێیدا قوربانی یەکەمی ئەم نادادی و ستەمە بوون ، چ لەلایەن کۆمەڵگە چ خێزان یاخود لەلایەن ڕەگەزی بەرامبەرەوە بووبێت.
خۆشحاڵانە لەگەڵ هاتنی ئاینی پیرۆزی ئیسلامدا لەڕێگەی فەرمان و پەیامە ئاڕاستەکراوەکانی قورئانی پیرۆزەوە کار لەسەر کەم کردنەوە و، دواجار بنەبڕکردنی ئەم ستەم و نادادییە کراوە و، گێڕانەوەی ماف و شکۆو و کەرامەتی مۆڤایەتی و بەتایبەت تر ئافرەت و منداڵ بەکردەیی بەرجەستە کراوە.
ئاشکرایە کە ئەمڕۆ بەبەرچاوی هەمووانەوە جیهان بەگشتی، وڵاتانی زلهێز بەتایبەت لەگەڵ بانگەشەی بەردەوامی مافی مرۆڤ و ڕەدکردنەوەی توندوتیژی و، هەڵای فەراهەم کردنی ئازادیدا، وە لەسەر دەمی شارستانی و کرانەوە و گەشەی بەردەوامدا،
لەهەموو کات زیاتر مرۆڤایەتی ڕووبەڕووی خراپترین جۆری ستەم و تووندوتیژی دەبێتەوە، لە برسی کردن و ترساندن و خراپترین جۆری لەناوبردن بەشێوەی کۆمەڵ کوژی.
لەلایەکی تریشەوە شکاندنی کەرامەت و شکۆی مرۆڤ و مامەڵە پێکردنی وەک کاڵایەکی بازرگانی، بۆ خزمەت و خواستی ئەو تاک و دەستە تایبەتانەی کە تەنها بەناو هەڵگری مرۆڤایەتین.
مەخابن لەگەڵ ئەوەی هەرێمەکەی ئێمەش وەک مەنهەج و بیروباوەڕی باو باپیرانمان هەمیشە ئاینی پیرۆزی ئیسلاممان بەسەرچاوەی دەستوور و، یاسای خۆمان زانیوە و، بەقەڵغانی ئاینداریمان هەمیشە ڕێگری و خۆ پارێزیمان لە دزەکردنی ئەو دیاردە ئەخلاقیانە کردووە، قبوڵکردن و ڕێگەپێدانی لەلایەن هەر دەستە و تاقمێکەوە بووبێت بە جۆرێک لەتوندوتیژی ئاینی و ئەخلاقی و کلتووری لەبەرچاوگیراوە و، دژی وەستاوەینەتەوە، لەگەڵ ئەوەش هەمیشە دەست و هەوڵێک بۆ هەڵوەشانەوە و، لەناوبردنی بەها جوانە ئیمانی و ئەخلاقیەکانی کۆمەڵگەی کوردیمان هەبووە، کە ئەمەش بەخراپ ترین جۆری توندوتیژی و سنوور بەزاندنە بەرامبەر فکرو ئایدۆلۆژیای هەر کۆمەڵگەیەک هەژمار دەکرێت ،
پێویست و گرنگە هەمووان لەخەمی ئەوەدابین کۆمەڵگەکەمان لەم دەردو دا کوشندانەیە بپارێزین، یەکدەنگانە کار لەسەر ڕیشەکێش کردنی هەر دیاردە و هەوڵێک بکەین کە بەرهەمەکەی زیانی گشتی و، بەلاڕێگا بردنی تاک و کۆمەڵگای لێ دەکەوێتەوە، هەر هەوڵ و هەنگاوێک مرۆڤ لە ئەخلاق و بەها باڵاکان داڕنێت توندوتیژییە، چ لەلایەن تاکەوە بێت یاخود کۆمەڵ و لایەن و دەستەیەکی دیاری کراوەوە ، یاخود جۆرەکانی توندو تیژی و هێرشی دیجیتاڵی کە هۆکارێکە بۆ لێکترازان،
کۆمەڵگەی ئێمە کۆمەڵگەیەکی موسوڵمانەو هەر هەنگاو و هەوڵێک کۆمەڵگە لە بەها جوان پیرۆزەکانی ئاینداری داڕنێت بە توندوتیژی هەژماردەکرێت و، ڕاگرتن و ڕەتکردنەوەی ئەرکێکە لە سەرشانی هەمووان.
