چوار شه‌ممه‌ , حوزه‌یران 19 2024

خولی هاوینەی برایەتی وڵوبە

دیمانە: خەرمان عبدالكریم
خولەکانی هاوینە لێرەو لەوێ زۆربوون وهەریەکەیان بۆئامانج و مەبەستێک کاردەکەن، پەروەردەی جوان و ڕاهێنانی وەرزشی ناوڕۆکی ئەم خولە ناوازەیەی برایەتی وڵوبەیە، کەلەهەناوی مزگەوتەوە درووست بوو… بۆزیاتر ئاشنا بوون بە کارەکانیان (عەتا محمد) مان وەک سەرپەرشتیاری خول دوواند.


ئایندەسازی: بۆچی ناوی برایەتی وڵوبە كرا بە نازناوی خولەكەتان ئەم ناوە بۆ كەی دەگەڕێتەوە؟
عەتا محمد : ناوی برایەتی دەگەڕێتەوە بۆ ساڵی ۱۹۹٠چەند برایەك لەمزگەوتێك لە گەڕەكی وڵوبەی شاری سلێمانی تیپێكیان داناو ناویان لێ نا برایەتی، هەر لەو پەروەردە جوانەوە ئێمەش بوینە هەڵگری پەیامی برایەتی بەندە ئەو كات مندال بوم لەو كاتەوە تا ئیستا درێژە پێدەرین و سوپاس بۆ خوا دانەبڕاوین ماوەی ۷ساڵە ڕاهێنەری تیپی برایەتیم.
ئایندەسازی: بیرۆكەی خولەكە بۆ چی دەگەڕێننەوە؟


عەتا محمد: خەونی ئێمەپەروەردەكرنی منداڵ و هەرزەكارە وەك ئەوەی خۆمانی پێ پەروەردەكراین، منداڵی ئیستاش دوربخەینەوە چەند كاتژمێرێك لە بەكارهێنانی تەكنەلۆژیا و تۆوی برایەتی و هاوكاری و وەرزشیانەیان تێدا بەرهەم بهێنین، بەتایبەتی مندالانی تەمەن ۷_۱٥ساڵ كە بچوكترین یاریزانمان تەمەنی ٤ساڵە.


ئایندەسازی: كێن ئەوانەی ڕاهێنان بەمنداڵەكان ئەكەن؟
عەتا محمد: ئەوانەی ڕاهێنان بەمنداڵەكان دەكەن لەیاریزانانی لە مێژینەیی برایەتی وڵوبەن و لێرەوە جارێكی تر لێبڕاوانە توانای خۆیان خستۆتە خزمەتی ئەم بەهرەمەندانەی فێرگەكەمان.
ئایندەسازی: ئایا ئەم خولە لەدوای هاوینیش درێژەی دەبێت؟
عەتا محمد: بەدڵنیاییەوە ئەو منداڵانەی توانایان هەیە و چێژ لە وەرزش دبینن دەستبەرداریان نابین و بەردەوام هەوڵیان لەگەل ئەدەین تا بتوانن ببنە تاكێكی لێهاتوو كە خزمەتی كۆمەڵگە بكەنەوە.
ئایندەسازی: ئایا فێرگەكەتان تەنها گرنگی بە یاری و ڕاهینانەكان ئەدات یاخود كاری پەروەردەیش دەكەن؟
عەتا محمد: نەخێر ئێمە هەوڵمان داوە پەروەردە پێش وەرزش بخەین ڕۆژانە بەر لەدەستپێكی یاری چەندین مامۆستا دەهێنین كەلەسەر بەها پەروەردەیی وئەخلاقیەكان قسە بۆ فێر خوازەكانمان بكەن.


ئایندەسازی: ئایا فدباكی خێزانەكان وەردەگرن لەسەر فێرگەكەتان، تا چەند سەرنجەكان بۆ ئێوە گرنگن؟
عەتا محمد: ڕاستە ئیمە هەڵسوڕێنەری خولەكەین، بەڵام ئەگەر منداڵ لێمان ڕازی نەبن كارێكمان نەكردووە، بۆیە فۆرمی تایبەتمان بۆ ناردون و سپاس بۆ خوا جێگەی ڕەزامەندی ئەوان بوین، بەوەی توانیومانە ماوەی ٤كاتژمیر مندال لە ئەلەكترۆنیات دوربخەینەوە، سیستەمی خەویان باشتر بكەن و گرنگی بەخواردنی ژەمەكان و، ئادابی جوانی نوێژكردن و گفتوگۆی شیاو بكەن لەگەڵ دەوروبەر، گومانمان نییە كە ئەم مندالانە ببنە گەشاوەترینی تاكی ئەم كۆمەڵگە بەمەرجیك لەلایەن خیزانەوە هاندانیان بۆ بكریت و بزانرێت مندال ئەخریتە كوێ و ئەوانەی كە پەروەردەی دەكەن تەركیز دەخانە سەر چ شتێكی مندالەكە.

Check Also

خانمێک بۆ جوانکردنی ژیان خوڵقاوە

ئا: شادانخاتوو بەیان خانمێکی سەلار، دایکی شەش منداڵی پڕهێزو وزە و چالاک و خەمخۆری کۆمەڵگە، …

4 کۆمێنت

  1. What’s up, all is going perfectly here and ofcourse every one is sharing information, that’s actually good, keep up writing.

  2. Every weekend i used to pay a visit this web site, as i want enjoyment, as this this web site conations truly pleasant funny stuff too.

  3. I think the admin of this site is truly working hard in favor of his web site, since here every information is quality based stuff.

  4. Way cool! Some very valid points! I appreciate you writing this article and also the rest of the site is also very good.

وەڵامێک بنووسە

پۆستی ئەلیکترۆنییەکەت بڵاوناکرێتەوە. خانە پێویستەکان دەستنیشانکراون بە *