ن:شیما سید معصوم
لەناو شاخە سپیە بڵندەكانی كوردستان، ژنێك هەبوو بەناوی ڕووناك ! هەنگاوەكانی ئارام و ئاسودە و پڕ هیوا بوون بۆ دەورووبەری ، بە جلێكی سادە و نەخشێنراو بە هەوری سور، لەژێر ئەوسادەیەدا ! مێژوویەكی درێژی هەڵگرتبوو كە پڕ بوون لە فەرهەنگ و كلتور و ژیان ڕەنگی كورد.
ڕووناك دەستەكانی ئاوریشم بوون بۆ ژیان و چاوی پڕ لە هیواو سەركەوتن.
هەر جارێك ژیان قورس دەبوو ئەو وەك (دایك و خوشك و هاوسەر و هاوڕێ …..) دەبوو بە مەرهەمی برینەكان كە ژیان هەر جارە و بە جۆرێك تەوژمی سەختی دەدا ئەم دەبوویە فریاد ڕەس تاوەك و دەوایەك بێت!
لە شەوەتاریكەكان لەژێر درەوشاوەی و پرشنگی مانگ چیرۆكی سەركەوتن و ئارامی و بەردەوامی بوێری بۆ جگەرگۆشەكانی دەگێڕایەوە.
هەموو ڕۆژێك كە خۆر هەڵدەهات ئەم نوێ دەبوویەوە!
هەر نوێ بوونەوەیەك وانەیەك و چیرۆكێك بوون بۆ ژیان
ئەو نەك تەنها بێ ئومێد نەدەبوو لە قورسایی و سەختیەكان، بەڵكو گوێ و چاوی بینین و بیستنیان خەوتبوو لەو وشەیە.
ئەمە ڕووناك بوو .. بوو بە ڕووناكی ژینی تاركی هەمووان
ئەو وانەی ژیانی دەوتەوە نەك بە وشە، بەڵكو بە كردار بێ ئەوەی خۆی هەستی پێبكات.
