ئا:ئاشتی جەمیل
یەکەم فیستیڤاڵی هەنارو پایزی هەڵەبجە لەساڵی 2015 لەنەمامگەی سیروان کرا، ڕێژەیەکی زۆر کەم دووکاندارو فرۆشیار بەشداربووبن.
لە دووەم فیستیڤاڵەوە گوازرایەوە بۆ پارک و شاری یاری هەڵەبجەو سەردانیکەرانی زیاتربوو .
بیرۆکەی ئەم فیستیڤاڵە لەکۆبوونەوەی ئەنجومەنی ڕێکخراوەکانی هەڵەبجەوە سەریهەڵدا، لەکاتی کۆبوونەوەدا هەریەکەمان بۆ بەرەو پێشبردنی شارەکەمان هەوڵماندەدا. یەکێک لەوانە سەوزکردنی شاربوو سەردانی ئەو ماڵانەمان ئەکرد کە زۆرترین سەوزایی هەبوو، خەڵاتمان دەکردن . ئەنجامدانی ماراسۆن بوو کەلە( 16/3)دا ئەکرا. ئەو کاتە من پێشنیاری ئەوەم کرد کە نمایشی جلی کوردی بکەین . ئیتر بەو جۆرە دەستمان بەکارەکان کرد.
ئەو کات یەک دووجار سەردانی بەڕێوبەرایەتی کشتوکاڵمان کرد کەبێن و پێکەوە ئەو کارە بکەین بەپێی پێویست نەهاتن بەدەماننەوە، دواتر هاتن و وتیان پێکەوە ئەم فیستیڤاڵە بکەین و، لە چوارەم و پێنجەم ساڵدا هەموو بیرۆکەکان کۆکرانەوەو ئەم کارەی ئێستای لێبەرهەمهات .
لەسەرەتادا لەڕووی مادییەوە ئەرکی فیستیڤاڵەکە لەسەرخۆمان بوو هەندێکمان کەبەناو لامە بەدوو ملیۆن سێ ملیۆن دابینمان کردووە بۆ بەڕێوەبردنی فیستیڤاڵ .
لەبەر ئەوەی کەس نەبوو سپۆنسەری کارەکانی فیستیڤاڵ بکات، بەڵام دواتر وەزارەتی کشتوکاڵ تێچووەکەی ئەگرتە ئەستۆ.
ئێمە لەم کارەماندا رووبەڕووی زۆر ئاستەنگ و ڕێگری بووینەوە لەلایەن کەسی دیاریشەوە . لەسەرەتاوە ڕۆشتوین لە دوکاندارو فرۆشیارەکان داوامان دەکرد کەوەرن بەشداربن و فرۆشی خۆتان بکەن بەو شێوازە تافیستیڤاڵ بەم ئاستەی ئێستا گەشتووە، کە الحمدلله بەرهەمی ماندووبوون و شەونخونی خۆمان ئەبینین و ئێستا شارەکەمان لەڕووی بەروبوومی خۆماڵییەوە لەئاستی یەکەمدایە.
لەسەرەتا تا کۆتایی ئەم کارە بەرهەمی هەوڵی تۆڕی ڕێکخراوەکانی هەڵەبجە بووە .
هەموومان لەسەر ئەم فیستیڤاڵە ڕێککەوتین .
ئەمە وتەی شیلان صدیقە کە لە یەکەم فیستیڤاڵەوە تا ئێستاکە یانزەیەمین فیستیڤاڵە بەبێ دابڕان و بەبێ ماندوبوون بەردەوامە و، ژنە چالاکوانێکی بواری کاری ژنانەو لەسەرەتاوە لێپرسراوی پەیوەندییەکانی لقی هەڵەبجەی شەهیدی ڕێکخراوی یەکگرتووی خوشکان بوو ئێستاش ( ل. دەستەی خانمانی هەڵەبجەیە)
(عاصى فایەق) سەرۆکی ڕێکخراوی شنروێی کاکەیی و، لێپرسراوی کارگێڕی تۆڕی ڕێکخراوەکانی هەڵەبجە دەڵێت : سەرەتا ئەنجومەنی ڕێکخراوەکانی هەڵەبجە کە ژمارەیان نزیکەی ٢٠ ڕێکخراو بوون هەستا بە ئەنجامدان و ڕێکخستنی ئەم فێستیڤاڵە، بە هاوبەشی لەگەڵ بەڕێوەبەرایەتی گشتی کشتوکاڵی هەڵەبجە، پاشان ناوی ئەنجومەن گۆڕا بۆ تۆڕی ڕێکخراوەکانی هەڵەبجە کە ئێستا ژمارەیان نزیکەی( ٣٠ )ڕێکخراوە.
ئێستا بۆ ماوەی سێ ساڵ دەبێت بەرێوەبەرایەتی گشتی گەشت و گوزاری هەڵەبجە هاوبەشێکی ترمانە.
ئەو لایەنانەی کە هاوکارمان بوون لە سەرەتاوە تا ئێستا
- وەزارەتی کشتوکاڵ و سەرچاوەکانی ئاوی حکومەتی هەرێم
ـپارێزگاری هەڵەبجە
ـقایمقامی هەڵەبجە
ـسەرجەم دامودەزگاکانی هەڵەبجە بە تایبەتی شارەوانی، ئاوەدانکردنەوە، ئاسایش، پۆلیس، پۆلیسی هاتووچۆ، تەندروستی
ئەمەش ئاماری کۆتایی ئەم ساڵی فیستیڤاڵی هەنار
ئامارەکانی فیستیڤاڵی هەنار لەمساڵدا - ژمارەی گەشتیاران:
419،000 هەزار - فرۆشی فیستیڤاڵەکە:
1،700،000 ملیار دینار - بەرهەمە کشتووکاڵیەکان: 700،000،000 ملیۆن دینار
- بەرهەمە خواردەمەنیەکان:
800،000،000 ملیۆن دینار - بەرهەمی کاری دەستی:
200،000،000 ملیۆن دینار - ژمارەی ئۆتۆمبێلی هاتوو:
81،000 هەزار - ژمارەی پاسی هاتوو:
804 پاس
-ژمارەی ماتۆرسکیلی هاتوو:
4،000 هەزار - ژمارەی گرووپی گەشتیاری:
54 گرووپ.
